Industridesign,
…og alle dei moglege vinklingane mot dette
Av Samantha
Haddal 3KDA 22.10.18
Torsdag den 18 oktober fekk klassa
mi, 3KDA, moglegheita til å vere med på den første industridesignkonferansen
haldt på Giske. Her var det presentert ni forskjellige foredragshaldarar, der
alle hadde forskjellig bodskap basert på kva dei driv på med, og deira historie
innan industridesign. Som unge KDA-elevar, fekk vi her servert mykje kunnskap
som vi kan ta med oss vidare.
Inspirasjon og motivasjon
Å vere under same tak som så mange andre mennesker som
jobbar innan same fagfelt var nesten overveldande i starten. Det måtte vere
fleire hundre deltakarar, og folk mingla rundt omkring i det flotte lokalet.
Den pulserande stemninga var omtrent til å ta og føle på, med dei varme
lanternene i taket, i kontrast med dei industrielle møblane laga av pallar.
Heile plassen hadde eit åpent og luftig preg, med mykje rom og god takhøgde til å tenke kreativt. Den enkle, åpne og reine estetikken i interiøret ved konferansesenteret,
gav ein følelse av at dette var noko gjennomført og skikkelig. Dette var noko
av respekt og interesse, som folk tok seriøst. Men dei innbydande møblane av
gjenbrukt treverk med puter gav ei kjensle av uformalitet. Alt dette ilag, gav
eit inntrykk som for min del, gir meg lyst til å skape, diskutere og vere
kreativ med andre menneske utan noko frykt for å ikkje bli tatt seriøst, og
utan frykt for å bli tatt for seriøst. Og dette var før konferansehaldarane
begynte.
Foto:Tone Molnes
Same tema, mange perspektiv
Sjølv om alle foredraga omfatta
det same temaet, industridesign, hadde kvar av foredragshaldarane forskjellig
vinkling. Først kom Bård Eker frå Eker design på scena, og fortalte om
kor befriande det er å vere designer, ettersom ein kan lage kva ein vil. Han
snakka og om ungdom innan denne bransjen; «Ein kvar oppriktig sjef ville ha ansatt ein nyutdanna framfor ein designveteran». Med dette så ville han ha fram
at unge tenker ofte meir innovativt, meir utfordrande og har enda ikkje blitt
forma og bunden av en bakgrunn og historie innen design.
Etter dette kom Paal Holter opp på podiet, og fortalte om teoriar i forhold til brukargrupper og om utvikling av interessene hos menneske. Dette
foredraget var personleg min favoritt, ettersom han drog fram mange ulike poeng
som eg aldri før har tenkt på; microtrender, subtrender, og megatrender, og korleis disse «forutser» framtida innan design, og dei ulike brukergruppane
desse rørar. I tillegg nemde han ei brukargruppe som det berre det vil bli
fleire av framover, men som er lite tenkt på i dag. Han kallar denne gruppa «Fri
2». «Fri 2» gruppa er eldre mennesker, for gamle til å jobbe, men sunne og
spreke nok til å ha fritid. Denne gruppa, kjem industrien til å tene godt på,
seier han.
Kunnskapen er gull verdt
Dei to tidligare nemde, var dei
eg kjende eg fekk mest ut av, og var mine to favorittar. Dei andre var så klart
også utruleg bra, og essensen i den kunnskapen dei delte, er gull verdt å ta
med videre. Erik Håkonholm frå Vard fekk fram korleis ein må tilpasse seg når
forandringa kjem plutselig. Birger Selvadson frå AHO satte fingeren på skillet
mellom skule og arbeidslivet og kor viktig dette skille er. Rikke Vold frå
Ekornes la fram utfordringane med å jobbe i ein bransje som har ei historie, men
framleis må tenke nytt. Kjell Are Furnes frå Ably Medical fortalte om
sjukehussengane han var med på å designe, og korleis ein kan gå saman og dele
kunnskap tverrfagleg på forskjellige felt. Bojana Petkov frå Halogen viste
prosessen for å maksimere funksjonalitet, når behov blir større. Anders August
Kittelsen frå Stokke kom med tre prinsipp, som essensielt fortalte om korleis
ein når fram til brukarar. Til sist, men definitivt ikkje minst, kom Einar Hareide
på og fortalte om hans syn på utvikling innan industridesign. For å avslutte
dette kom han med ein replikk som han har holdt seg til gjennom tidene: «Design is about communication. It is about
storytelling».
Vegen vidare
Etter denne konferansen, har eg eit anna syn på
design og kvifor det kan vere viktig å skape nytt. Tidlegare har eg sett på design som
noko frivillig, flyktig, og noko som ikkje var nødvendig for framdrifta av eit
samfunn. No ser eg design overalt, alt er design, og mykje av det er viktig. Viktig i
forskjellig grad og viktig på forskjellige måtar; funksjonalitet, estetikk, møte
behov og takle ulike utfordringar i kvardagen.